الإثنين , 20 سبتمبر 2021
الرئيسية / مقالات / ايامات و عيني اترف … إهداءا لارواح الزهور …(بقلم صابر الفائز)

ايامات و عيني اترف … إهداءا لارواح الزهور …(بقلم صابر الفائز)

ايامات و عيني اترف …
قلتلها صل على النبي و كف …
كانك على الخير مايسالش رف …
و كانك على الشر ربي يلطف بينا و كف …

قالت العزوزة الذراري الكل ماتو …
حليلي وليداتي الكلهم ماتو …

واحد الموت من مريتو خذاتو …
وليدو في كرش امو يتيم خلاتو …

و لاخرى من حجر امو فكاتو …
و في كفن غارق بالدم بيتاتو …

و لاخرى و وخيتها ماتو …
جاهدوا على اميمتهم …
و ليالي بعيد عليها باتو …
بنولها الدار و شرولها البنوار …
و البارح في الفريقو باتو …

و لاخرى قرات سنين بياته …
لا لعب لا مع اولاد الجيران و لا وخياته …
و جات تقرى زاده بياته …
الموت زادت بعدتها …
و خلطت عليها الخالة و بنيتها …

و لاخرى في الكار محلى شطحتها …
بالاحمر لابسة و مزينة بيه شفتها …
الدم لحمر ولى غنايتها …
و باتت تعزف ليها الموت معزوفتها …

و لا خرى حرقي ماقوى شويتها …
هي و وخيها الدنيا خلتها …
و خلات حرقة في كبيدة اميمتها …

الدنيا ما صعب فرقتها …
و الموت ماخيب حرقتها …
وان شاء الله الميمة يخفف وجيعتها …

الله يرحمكم و يخفف التراب عليكم.

بقلم صابر الفائز …

عن العربي الحر

شاهد أيضاً

استقالة العذاري حجرة بضوضاء في البحيرة المضطربة لحركة النهضة.. (عبد اللطيف دربالة)

استقالة زياد العذاري داخل حزب النهضة.. غير فاعلة ولا مؤثّرة..لكنّها حجرة بضوضاء في البحيرة المضطربة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: